Qazaqstannyń basym bóliginde aldaǵy úsh kúnde qar jaýyp, boran turady, dep habarlaidy "Ult aqparat" RMK «Qazgidromet»-ke silteme jasap.
«Respýblikanyń shyǵysynda Batys Sibirden sýyq atmosferalyq aýa aǵyny keledi, ony Kar teńizi aýmaǵynyń kezekti antitsiklony almastyrady. Sonyń saldarynan qar jaýyp, boran turyp, kún sýidy. Qazaqstannyń batys aimaǵyna Qara teńiz jáne Jerorta teńizinen jyly ári ylǵaldy aýa keledi. Sol sebepti bul aimaqta aýa temperatýrasy joǵarylaidy. Biraq jaýyn-shashyn, tuman, kóktaiǵaq, kei jerlerde qatty jel men boran turýy múmkin», - delingen habarlamada.
