27 qańtarda bas memlekettik sanitariia dárigeriniń mindetin atqarýshynyń jańa qaýlysy jariialandy, - dep habarlaidy Tengrinews.kz agenttigi Sanitariialyq-epidemiologiialyq baqylaý komitetiniń baspasóz qyzmetine silteme jasap.
Jańa qaýlyǵa sáikes, Ashyq jobasyna qatysatyn nysandardyń jumys jáne demalys kúnderi jumys rejimine shekteý alyp tastaldy.
"Epidemiologiialyq táýekel aimaǵyna ("jasyl", "sary", "qyzyl") qaramastan, qyzmetkerler men kelýshilerdiń qaýipsiz "jasyl" mártebesi boiynsha jumys isteitin nysandarǵa shekteý alyp tastaldy. Bul - saltanatty, eske alý, oiyn-saýyq, sporttyq is-sharalar, kórmeler, konferentsiialar, forýmdar ótkizý, sport keshenderiniń, saýyqtyrý jáne dini, oiyn-saýyq nysandarynyń (oiyn klýbtary, kazino, túngi klýbtar jáne karaoke), SOO, saýda jelileriniń (saýda alańy 1000 sharshy metrden asatyn azyq-túlik emes jáne saýda alańy 6000 sharshy metrden asatyn azyq-túlik) qyzmeti, basseinder", - delingen habarlamada.
Qonaqtarda beitarap ("kók") nemese qaýipsiz ("jasyl") mártebe bolsa, epidemiologiialyq jaǵdaidy baǵalaý matritsasyna sáikes "jasyl" aimaqtaǵy (epidemiologiialyq táýekeli tómen) óńirlerde Ashyq qatysýshylarynyń qyzmeti shekteýsiz júzege asyrylatyny aityldy.
"Epidemiologiialyq táýekel aimaǵyna qaramastan, oblysaralyq, oblysishilik, qalalyq (turaqty jáne turaqty emes) tasymaldardy júzege asyratyn nysandar úshin, otelder, qonaqúiler, áýejailar, temirjol, sý jáne avtovokzaldar, ózen jáne teńiz porttary, avtobeketter men jolaýshylarǵa qyzmet kórsetý pýnktteri; HQKO, "Qazpochta" AQ bólimsheleri, bankter; sulýlyq salondary, SPA-ortalyqtar, jabyq bazarlar, ashana tipindegi qoǵamdyq tamaqtaný obektileri, mektepke deiingi jáne qosymsha bilim berý uiymdary úshin beitarap "kók" mártebe bolǵan jaǵdaida shekteýsiz kirý tártibi saqtalady", - delingen habarlamada.
Saýnalardyń, monshalardyń, saýda alańy 1000 sharshy metrge deiingi saýda jelileriniń (azyq-túlik emes) qyzmetine shekteýler alyp tastaldy. Olarǵa epidemiologiialyq táýekel aimaǵyna qaramastan, beitarap "kók" mártebesi boiynsha kirýge bolady.
"Jasyl" aimaqta meiramhanalar men dámhanalar tipindegi qoǵamdyq tamaqtaný nysandary, eresekter men balalarǵa arnalǵan oiyn jáne oiyn-saýyq oryndary (biliard, boýling, teatrlar, kinoteatrlar, kontsert zaldary, filarmoniialar, tsirkter, okeanariým, kompiýterlik jáne lotereia klýbtary, býkmekerlik kontoralar) úshin kelýshilerde beitarap "kók" mártebe bolǵan jaǵdaida shekteý alyp tastaldy. Budan basqa "sary" aimaqta olardyń kólemi 50 paiyzdan 70 paiyzǵa deiin jáne "qyzyl" aimaqta 30 paiyzdan 60 paiyzǵa deiin ulǵaityldy. Nysannyń tolýy onyń jobalyq qýatyna bailanysty anyqtalady", - delingen habarlamada.
Qabyldanǵan karantin sharalary Memleket basshysynyń 2022 jylǵy 21 qańtardaǵy tapsyrmalaryn iske asyrý baǵytynda qabyldanǵany aityldy.
