QR Prezidenti Nursultan Nazarbaevtyń Jarlyǵymen Ǵizat Nurdáýletov Qazaqstan Respýblikasynyń Bas Prokýrory qyzmetine taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysynyń Ókimimen Ǵizat Nurdáýletov basqa jumysqa aýysýyna bailanysty Qazaqstan Respýblikasy Bas Prokýrorynyń birinshi orynbasary qyzmetinen bosatyldy.
Ǵizat Dáýrenbekuly eńbek jolyn Almaty oblysy Jambyl aýdany prokýratýrasynda tergeýshi bolyp bastaǵan.
Memlekettik tergeý komitetinde 1996 - 1997 jyldary qyzmet atqarǵan.
1997 jyldan bastap ulttyq qaýipsizdik organdarynda eńbek etken. Sonymen qatar departament bastyǵynyń orynbasary, Almaty qalasy jáne Almaty oblysy boiynsha departament bastyǵy, Tergeý departamenti bastyǵy laýazymynda boldy.
2016 jyldyń qarasha aiynan bastap Ońtústik Qazaqstan oblysy boiynsha UQK departamentin basqardy.
2017 jyly shilde aiynan bastap sońǵy taǵaiyndalýyna deiin QR Bas prokýrorynyń birinshi orynbasary qyzmetin atqardy. II dárejeli «Aibyn» ordenimen marapattalǵan.
Aita keteiik, Elbasynyń Jarlyǵymen Qairat Perneshuly Qojamjarov basqa jumysqa aýysýyna bailanysty Qazaqstan Respýblikasynyń Bas prokýrory qyzmetinen bosatyldy. Ol bul qyzmetti 2017 jyldyń 11 jeltoqsanynan beri atqaryp kelgen-tin.
