Búgin Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly respýblika kóleminde ótken «Taza álem» tazalyq aktsiiasyna qatysty, dep habarlaidy "Ult aqparat".
Igi sharany Dini basqarmanyń Jastar isi sektory «Rýhani kelisim kúnine» orai uiymdastyrsa, elimizdiń barlyq óńirindegi ókildikter bir mezette aktsiiaǵa úles qosty. Atap aitqanda, imamdar men din qyzmetkerleri, meshitterdiń erikti jamaǵaty men jastar atsalysqan aktsiiada óńirlerdiń kórikti jerlerine, meshitter mańyna tazalyq jumystary júrgizildi.
«Búgin QMDB-nyń Jastar isi sektory «Rýhani kelisim kúni» aiasynda respýblikalyq tazalyq aktsiiasyn ótkizip otyr. Hadisterde «Alla Taǵala – taza jáne taza bolǵandy jaqsy kóredi» delingen. Árine rýhymyzdy, tánimizdi taza ustaý – musylmanshylyq mindetimiz. Sonymen qosa tabiǵatty aialaý, ony taza ustaý da – musylmannyń mindeti. Sondyqtan búgingi shara –Paiǵambarymyzdyń (oǵan Allanyń salaýaty men sálemi bolsyn) súnnetin jalǵastyrýdyń bir kórinisi. Alla Taǵala nietimizdi qabyl etkei! – dedi Bas múfti.
Qazaqstan musylmandary dini basqarmasynyń málimetinshe, «Taza álem» respýblikalyq tazalyq aktsiiasyna elimizdiń túkpir-túkpirinde 500-ge jýyq erikti jastar qatysty.
