Qazaqstannyń memlekettik baǵaly qaǵazdary Resei naryǵyna biyl shyǵaryla bastaidy. Bul týraly premer-ministrdiń birinshi orynbasary, qarjy ministri Álihan Smaiylov málim etti, dep habarlaidy Sputnik Qazaqstan.
"Biyl biz reseilik obligatsiialar naryǵyna keminde 500 million dollar somamen kirýdi josparlap otyrmyz. Nelikten Resei naryǵy? Óitkeni, ol jaqta tarifter arzan ári valiýtalyq táýekel az", - dedi Smaiylov jýrnalisterge bergen suhbatynda.
Sondai-aq, ol Qazaqstannyń qazynashylyq baǵaly qaǵazdary satylatynyn naqtylai tústi.
Budan bólek, rezident emes tulǵalar shetelge qomaqty kapital shyǵaryp jatqany týraly aqparatqa túsinikteme berdi.
"Qazaqstan rezidenti, máselen, qazaqstandyq kompaniialar, zańdy tulǵalar rezident emesterdi jaldaidy. Aitalyq, Tájikstan, Ózbekstan, Qyrǵyzstan azamattaryn jumysqa alyp, sol úshin aqsha tóleidi. Al bul aqshany olar óziniń eline jiberedi. Bul rezident pen rezident emestiń arasyndaǵy qalypty kelisim", - dedi qarjy ministri.
Álihan Smaiylov mundai operatsiialar kapitaldy shyǵarýmen bailanysty emes ekenin basa aitty.
