قازاقستاننىڭ مەملەكەتتٸك باعالى قاعازدارى رەسەي نارىعىنا بيىل شىعارىلا باستايدى. بۇل تۋرالى پرەمەر-مينيستردٸڭ بٸرٸنشٸ ورىنباسارى, قارجى مينيسترٸ ەليحان سمايىلوۆ مەلٸم ەتتٸ, دەپ حابارلايدى Sputnik قازاقستان.
"بيىل بٸز رەسەيلٸك وبليگاتسييالار نارىعىنا كەمٸندە 500 ميلليون دوللار سومامەن كٸرۋدٸ جوسپارلاپ وتىرمىز. نەلٸكتەن رەسەي نارىعى? ٶيتكەنٸ, ول جاقتا تاريفتەر ارزان ەرٸ ۆاليۋتالىق تەۋەكەل از", - دەدٸ سمايىلوۆ جۋرناليستەرگە بەرگەن سۇحباتىندا.
سونداي-اق, ول قازاقستاننىڭ قازىناشىلىق باعالى قاعازدارى ساتىلاتىنىن ناقتىلاي تٷستٸ.
بۇدان بٶلەك, رەزيدەنت ەمەس تۇلعالار شەتەلگە قوماقتى كاپيتال شىعارىپ جاتقانى تۋرالى اقپاراتقا تٷسٸنٸكتەمە بەردٸ.
"قازاقستان رەزيدەنتٸ, مەسەلەن, قازاقستاندىق كومپانييالار, زاڭدى تۇلعالار رەزيدەنت ەمەستەردٸ جالدايدى. ايتالىق, تەجٸكستان, ٶزبەكستان, قىرعىزستان ازاماتتارىن جۇمىسقا الىپ, سول ٷشٸن اقشا تٶلەيدٸ. ال بۇل اقشانى ولار ٶزٸنٸڭ ەلٸنە جٸبەرەدٸ. بۇل رەزيدەنت پەن رەزيدەنت ەمەستٸڭ اراسىنداعى قالىپتى كەلٸسٸم", - دەدٸ قارجى مينيسترٸ.
ەليحان سمايىلوۆ مۇنداي وپەراتسييالار كاپيتالدى شىعارۋمەن بايلانىستى ەمەس ەكەنٸن باسا ايتتى.
