Madiiar Meńilbekov Birikken Arab Ámirlikterindegi Tótenshe jáne Ókiletti Elshisi qyzmetine taǵaiyndaldy, dep habarlaidy "Ult aqparat" Aqordaǵa silteme jasap.
"Memleket basshysynyń Jarlyǵymen Qairat Qaiyrbekuly Lama Sharif Qazaqstan Respýblikasynyń Birikken Arab Ámirlikterindegi Tótenshe jáne Ókiletti Elshisi qyzmetinen bosatyldy" delingen habarlamada.
"Memleket basshysynyń Jarlyǵymen Madiiar Smádiluly Meńilbekov Qazaqstan Respýblikasynyń Birikken Arab Ámirlikterindegi Tótenshe jáne Ókiletti Elshisi qyzmetine taǵaiyndaldy" delingen resmi jarlyqta.
Aita ketsek, Meńilbekov Madiiar Smádiluly 1978 jylǵy 8 aqpanda Jambyl oblysy, Merki aýdanynda týǵan.
2002 jyly Liviianyń Tripoli qalasyndaǵy Islamǵa shaqyrý ýniversitetin bitirgen, arab tili jáne islamtaný bakalavry. 2004 jyly Abylai han atyndaǵy Qazaq halyqaralyq qatynastar jáne álem tilderi ýniversitetiniń magistratýrasyn aiaqtaǵan, filologiia magistri.
2002-2005 jyldary Nur-Múbarak Egipet islam mádenieti ýniversitetiniń aǵa oqytýshysy. 2005-2006 jyldary QR Prezidenti janyndaǵy Memlekettik basqarý akademiiasynyń aǵa oqytýshysy. 2006 jylǵy sáýirden qyrkúiekke deiin Qazaqstan Respýblikasy Syrtqy ister ministrligi Aziia jáne Afrika departamentiniń úshinshi hatshysy.
2006-2011 jyldary Qazaqstan Respýblikasynyń Birikken Arab Ámirlikterindegi Elshiliginiń attashesi, úshinshi, ekinshi hatshysy. 2011-2012 jyldary Qazaqstan Respýblikasy Syrtqy ister ministrligi Aziia jáne Afrika departamentiniń birinshi hatshysy.
2012-2015 jyldary Qazaqstan Respýblikasynyń Birikken Arab Ámirlikterindegi Elshiliginiń keńesshisi. 2015-2017 jylǵy sáýirge deiin Qazaqstan Respýblikasynyń Birikken Arab Ámirlikterindegi Elshiliginiń keńesshi-ýákili.
2017 jylǵy sáýirden Qazaqstan Respýblikasynyń Dýbaidaǵy Bas konsýly.
Arab jáne aǵylshyn tilderin meńgergen. Úilengen, úsh balasy bar.
.jpeg)