Otandyq áýe kompaniialary ishki baǵyttar boiynsha ushaq biletiniń ortasha qunyn orta eseppen 12% -ǵa tómendetti, dep habarlaidy QR Indýstriia jáne infraqurylymdyq damý ministrliginiń baspasóz qyzmeti.
Baspasóz qyzmetiniń málimetterine qaraǵanda, memleket basshysynyń áýe tasymaldary baǵasyn tómendetýge qatysty tapsyrmasyn oryndaý maqsatynda otandyq áýe kompaniialary ishki baǵyttar boiynsha aviabilettiń ortasha qunyn orta eseppen 12% -ǵa tómendetti.
Qazaqstandaǵy alǵashqy biýdjettik áýe kompaniiany iske qosý áýe tasymaldar naryǵyna eleýli áser etti jáne jalpy alǵanda ishki naryqtaǵy básekelestikti arttyrýǵa múmkindik berdi. Bul ushaq biletteri tarifteriniń tómendeýine yqpal etti.
Fly Arystan áýe kompaniiasynyń naryqqa kelýimen Qazaqstan áýejailarynda jolaýshylar aǵynynyń ósýi baiqaldy, Nur Sultan - 48%, Almaty - 45%, Semei - 1013%, Taraz - 734%, Pavlodar - 117%, Qaraǵandy - 90%, Shymkent - 57 %, Oral - 54%.
Qazaqstan Respýblikasynyń Indýstriia jáne infraqurylymdyq damý ministrligi múddeli memlekettik organdarmen jáne kvazimemlekettik sýbektilerimen birlesip ushaq biletteriniń qunyn tómendetý boiynsha birqatar sharany qoldaný boiynsha jumys júrgizýde.
Sonymen birge, Memleket basshysynyń áýeotynǵa baǵany tómendetýge qatysty tapsyrmasyn oryndaý maqsatynda Indýstriia jáne infraqurylymdyq damý vitse-ministri B. Kamaliev Qazaqstanda ushýlardy júzege asyratyn sheteldik áýe kompaniialary men negizgi áýejailarmen keńes ótkizdi.
Memleket menshigindegi áýejailarǵa aviaotynnyń qunyn ortasha naryqtyq deńgeige deiin tómendetý jáne sheteldik áýe kompaniialarmen sharttardyń osy sheshimine sáikes keltirý tapsyryldy.
Aviaotynnyń quny áýe tasymaldary qunynyń eń úlken úles salmaǵyn alady - iaǵni 30 % deiin.
Kezdesýge Nur-Sultan, Qaraǵandy, Almaty, Shymkent, Aqtaý qalalarynyń áýejailary jáne «Air China Limited», «China Southern Airlines», «Turkish Airlines», «Atlasglobal», «Aeroflot», «Fly Dubai», «Uzbekistan Airways», «Pegasus», «Etihad Airways», «Siberia Airlines», «Ural Airlines» jáne «Belavia» sheteldik áýe kompaniialarynyń ókilderi qatysty.
Jalpy alǵanda, aviaotyn men áýe biletteriniń qunyn tómendetý máselesi ministrliktiń turaqty baqylaýynda bolady jáne osy másele boiynsha jumys turaqty negizde bolady.
