2020 jyldyń qorytyndysy boiynsha Qazaqstannyń áýe kompaniialary 5,5 mln. adam tasymaldady. Bul 2019 jylǵa qaraǵanda 36% tómen.
QR Indýstriia jáne infraqurylymdyq damý vitse-ministri Berik Kamaliev ministrliktiń alqa otyrysynda atap ótkenindei, buǵan pandemiia kezinde ushýlarǵa qoiylǵan shekteýler áser etti, dep habarlaidy "Ult aqparat".
Qalyptasqan jaǵdaiǵa bailanysty azamattyq aviatsiia ekonomikanyń eń kóp zardap shekken salalarynyń biri boldy. Sony jeńildetý úshin otandyq áýe kompaniialary men áýejailar úshin salyqtyq jeńildikter boiynsha memlekettik qoldaý sharalary qabyldandy.
Búgingi tańda 45 baǵyt boiynsha ishki áýe reisteri qaita ashyldy jáne 12 elmen (Túrkiia, Koreia, BAÁ, Belarýs, Ýkraina, Germaniia, Ózbekstan, Qyrǵyzstan, Egipet, Resei, Maldiv, Shri-Lanka) áýe qatynasy qalpyna keltirildi.
