2020 جىلدىڭ قورىتىندىسى بويىنشا قازاقستاننىڭ ەۋە كومپانييالارى 5,5 ملن. ادام تاسىمالدادى. بۇل 2019 جىلعا قاراعاندا 36% تٶمەن.
قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك كاماليەۆ مينيسترلٸكتٸڭ القا وتىرىسىندا اتاپ ٶتكەنٸندەي, بۇعان پاندەمييا كەزٸندە ۇشۋلارعا قويىلعان شەكتەۋلەر ەسەر ەتتٸ, دەپ حابارلايدى "ۇلت اقپارات".
قالىپتاسقان جاعدايعا بايلانىستى ازاماتتىق اۆياتسييا ەكونوميكانىڭ ەڭ كٶپ زارداپ شەككەن سالالارىنىڭ بٸرٸ بولدى. سونى جەڭٸلدەتۋ ٷشٸن وتاندىق ەۋە كومپانييالارى مەن ەۋەجايلار ٷشٸن سالىقتىق جەڭٸلدٸكتەر بويىنشا مەملەكەتتٸك قولداۋ شارالارى قابىلداندى.
بٷگٸنگٸ تاڭدا 45 باعىت بويىنشا ٸشكٸ ەۋە رەيستەرٸ قايتا اشىلدى جەنە 12 ەلمەن (تٷركييا, كورەيا, باە, بەلارۋس, ۋكراينا, گەرمانييا, ٶزبەكستان, قىرعىزستان, ەگيپەت, رەسەي, مالديۆ, شري-لانكا) ەۋە قاتىناسى قالپىنا كەلتٸرٸلدٸ.
