Elimizdiń aeronavigatsiialyq júiesi áýe qozǵalysyn eshqandai shekteýlersiz qabyldai alady, - dep habarlaidy "Ult aqparat" Indýstriia jáne infraqurylymdyq damý ministrliginiń resmi saityna silteme jasap.
Áýe keńistikteriniń jabylýyna bailanysty Eýropadan Ońtústik-Shyǵys Aziia, Úndistan jáne Parsy shyǵanaǵy elderine baǵyttalǵan tranzittik reisterdiń kópshiligi qazir Eýropanyń ońtústik dálizderi arqyly oryndalýda.
Bul rette áýe qozǵalysy aǵynynyń bir bóligi Qara teńiz óńirinen Qazaqstan aýmaǵyna baǵyttaldy. Sońǵy táýlikte eldiń áýe keńistigi arqyly buryn josparlanbaǵan 257 reis oryndaldy.
Respýblikanyń aeronavigatsiialyq júiesiniń ótkizý qabileti eshqandai shekteýsiz áýe qozǵalysynyń qosymsha kólemin qabyldaýǵa múmkindik beretinin atap ótken jón.
Sondai-aq, áýe qozǵalysyn uiymdastyrý boiynsha birqatar arnaiy sharalar qarastyrylǵan: qosymsha sektorlar ashý, kezekshi aýysymdardy kúsheitý jáne azamattyq-áskeri úilestirýdiń ózara is-qimyly, túzetilgen jáne balama baǵyttar usyný, Qazaqstannyń áýeailaqtaryna qonatyn kemeler úshin áýe keńistigin paidalanýǵa ruqsat berýdi ońailatý jáne t. b.
Eýropadan Qytaiǵa jáne Ońtústik-Shyǵys Aziiaǵa baǵyttalǵan reisterdiń artýy elimizge aiyna $1,5 mln kóleminde qosymsha tabys ákeledi.
