QR Ekologiia, geologiia jáne tabiǵi resýrstar ministri Maǵzum Myrzaǵaliev atmosferalyq aýasy lastanǵan elimizdegi negizgi qalalardy atady, dep habarlaidy QazAqparat.
Ortalyq kommýnikatsiialar qyzmetinde ótken baspasóz máslihatynda sóz sóilegen ministrdiń boljamyna sensek, 2019 jyldyń qorytyndysy boiynsha atmosferaǵa lastaýshy zattardyń shyǵaryndylary byltyrǵy - 2,5 mln tonnalyq deńgeide qalady.
«Atmosferalyq aýaǵa júrgizilgen ekologiialyq taldaý jumystary 45 eldi mekenniń ishinde eń lastanǵan qalalardyń qataryna Nur-Sultan, Almaty, Qaraǵandy, Temirtaý, Atyraý, Aqtóbe, Balqash, Óskemen, Jezqazgan jáne Ridder kiretinin kórsetip otyr», - dedi Maǵzum Myrzaǵaliev.
Ministr sonymen qatar, qorshaǵan ortaǵa jaisyz áser etetin faktorlardy azaitý úshin ekologiialyq baqylaý júrgiziletinin aityp ótti.
«11 aidyń ishinde biz 1,9 myń tekseris júrgizip, 4,1 myń buzýshylyqty anyqtadyq. Jumysyn toqtatý týraly sotqa 337 material joldandy. 194 aryz qanaǵattandyryldy. Memleket kirisine 12,5 mlrd teńge óndirildi», - dedi Maǵzum Myrzaǵaliev.
Ministr 2019 jyly tabiǵat qorǵaý sharalaryn júzege asyrý aiasynda tabiǵat paidalanýshylardyń esebinen 171 mlrd teńge bólingenin, onyń 113 mlrd teńgesi igerilgenin jetkizdi.
