Elimizde altyn-valiýta rezervteri bir aida 2,4 mlrd dollarǵa ulǵaidy, dep habarlaidy Ulttyq banktiń baspasóz qyzmeti.
Aldyn ala derekter boiynsha altyn-valiýta rezervteri bir aida 2,4 mlrd dollarǵa ulǵaiyp, shildeniń sońynda 35,3 mlrd dollarǵa jetti.
«Álemdik ekonomikanyń atap aitqanda, pandemiiadan týyndaǵan belgisizdigi, sondai-aq álsiz dollar aiasynda ótken aida altynnyń baǵasy bir ýntsiia úshin 1771 dollardan 1975 dollarǵa deiin nemese 12%-ǵa ósti. Altyn portfeliniń ósýi 2,3 mlrd dollar boldy, bul 2012 jyldan beri alǵash ret 35 mlrd dollar belgisinen asyp túsken altyn-valiýta aktivteri ósýiniń negizgi draiveri boldy»,– delingen habarlamada.
Banktiń habarlaýynsha, bul AQSh biligi Sovid-19 pandemiiasynyń taralý saldarymen kúreste ekonomikany qoldaý boiynsha buryn-sońdy bolmaǵan sharalardy qabyldaǵannan keiin, investorlar men naryqtyń basqa qatysýshylarynyń ieligindegi AQSh dollaryndaǵy artyq ótimdiliktiń edáýir kólemi altyn baǵasynyń ósýine qoldaý kórsetetin qosymsha faktor boldy.
Bul rette, eger AQSh FRJ eldegi ekonomikalyq belsendilikti qoldaý úshin qabyldanǵan sharalarmen shekteletin bolsa, sondai-aq COVID-19 virýsynyń jaǵdaiy turaqtanǵan jaǵdaida altyn naryǵyndaǵy qubylmalylyq saqtalady.
