ەلٸمٸزدە التىن-ۆاليۋتا رەزەرۆتەرٸ بٸر ايدا 2,4 ملرد دوللارعا ۇلعايدى, دەپ حابارلايدى ۇلتتىق بانكتٸڭ باسپاسٶز قىزمەتٸ.
الدىن الا دەرەكتەر بويىنشا التىن-ۆاليۋتا رەزەرۆتەرٸ بٸر ايدا 2,4 ملرد دوللارعا ۇلعايىپ, شٸلدەنٸڭ سوڭىندا 35,3 ملرد دوللارعا جەتتٸ.
«ەلەمدٸك ەكونوميكانىڭ اتاپ ايتقاندا, پاندەمييادان تۋىنداعان بەلگٸسٸزدٸگٸ, سونداي-اق ەلسٸز دوللار اياسىندا ٶتكەن ايدا التىننىڭ باعاسى بٸر ۋنتسييا ٷشٸن 1771 دوللاردان 1975 دوللارعا دەيٸن نەمەسە 12%-عا ٶستٸ. التىن پورتفەلٸنٸڭ ٶسۋٸ 2,3 ملرد دوللار بولدى, بۇل 2012 جىلدان بەرٸ العاش رەت 35 ملرد دوللار بەلگٸسٸنەن اسىپ تٷسكەن التىن-ۆاليۋتا اكتيۆتەرٸ ٶسۋٸنٸڭ نەگٸزگٸ درايۆەرٸ بولدى»,– دەلٸنگەن حابارلامادا.
بانكتٸڭ حابارلاۋىنشا, بۇل اقش بيلٸگٸ سovid-19 پاندەميياسىنىڭ تارالۋ سالدارىمەن كٷرەستە ەكونوميكانى قولداۋ بويىنشا بۇرىن-سوڭدى بولماعان شارالاردى قابىلداعاننان كەيٸن, ينۆەستورلار مەن نارىقتىڭ باسقا قاتىسۋشىلارىنىڭ يەلٸگٸندەگٸ اقش دوللارىنداعى ارتىق ٶتٸمدٸلٸكتٸڭ ەدەۋٸر كٶلەمٸ التىن باعاسىنىڭ ٶسۋٸنە قولداۋ كٶرسەتەتٸن قوسىمشا فاكتور بولدى.
بۇل رەتتە, ەگەر اقش فرج ەلدەگٸ ەكونوميكالىق بەلسەندٸلٸكتٸ قولداۋ ٷشٸن قابىلدانعان شارالارمەن شەكتەلەتٸن بولسا, سونداي-اق COVID-19 ۆيرۋسىنىڭ جاعدايى تۇراقتانعان جاعدايدا التىن نارىعىنداعى قۇبىلمالىلىق ساقتالادى.
