Qańtarda Qazaqstannyń altyn-valiýta rezervi 35,6 mlrd dollardy qurady. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy "Ult aqparat".
«Altyn-valiýta rezervteri ózgermei, biylǵy qańtardyń sońynda aldyn ala derekter boiynsha 35,6 mlrd AQSh dollary boldy. Altyn baǵasynyń tómendeýi nátijesinde altyn portfeliniń tómendeýi erkin konvertatsiialanatyn valiýtadaǵy aktivterdiń ósýimen teńestirildi», - dedi Erbolat Dosaev.
Onyń aitýynsha, shetel valiýtasyndaǵy aktivter memlekettik qaryzdy tóleýmen, sondai-aq ekinshi deńgeidegi bir banktiń 500 mln AQSh dollaryna valiýtalyq obligatsiialaryn óteý mindettemelerin oryndaýyna bailanysty Qazaqstan Ulttyq bankindegi shottardan ekinshi deńgeidegi bankter qarajatynyń áketilýimen ishinara rettelgen Aziia damý banki qaryzynan qarajattyń kelýi esebinen ósti.
«Jalpy halyqaralyq rezervter jyl basynan bastap 1 mlrd AQSh dollaryna tómendep, 93,3 mlrd AQSh dollaryn qurady», - dedi Ulttyq bank tóraǵasy.
