قاڭتاردا قازاقستاننىڭ التىن-ۆاليۋتا رەزەرۆٸ 35,6 ملرد دوللاردى قۇرادى. بۇل تۋرالى بٷگٸن ٷكٸمەت وتىرىسىندا قر ۇلتتىق بانك تٶراعاسى ەربولات دوساەۆ ايتتى, دەپ حابارلايدى "ۇلت اقپارات".
«التىن-ۆاليۋتا رەزەرۆتەرٸ ٶزگەرمەي, بيىلعى قاڭتاردىڭ سوڭىندا الدىن الا دەرەكتەر بويىنشا 35,6 ملرد اقش دوللارى بولدى. التىن باعاسىنىڭ تٶمەندەۋٸ نەتيجەسٸندە التىن پورتفەلٸنٸڭ تٶمەندەۋٸ ەركٸن كونۆەرتاتسييالاناتىن ۆاليۋتاداعى اكتيۆتەردٸڭ ٶسۋٸمەن تەڭەستٸرٸلدٸ», - دەدٸ ەربولات دوساەۆ.
ونىڭ ايتۋىنشا, شەتەل ۆاليۋتاسىنداعى اكتيۆتەر مەملەكەتتٸك قارىزدى تٶلەۋمەن, سونداي-اق ەكٸنشٸ دەڭگەيدەگٸ بٸر بانكتٸڭ 500 ملن اقش دوللارىنا ۆاليۋتالىق وبليگاتسييالارىن ٶتەۋ مٸندەتتەمەلەرٸن ورىنداۋىنا بايلانىستى قازاقستان ۇلتتىق بانكٸندەگٸ شوتتاردان ەكٸنشٸ دەڭگەيدەگٸ بانكتەر قاراجاتىنىڭ ەكەتٸلۋٸمەن ٸشٸنارا رەتتەلگەن ازييا دامۋ بانكٸ قارىزىنان قاراجاتتىڭ كەلۋٸ ەسەبٸنەن ٶستٸ.
«جالپى حالىقارالىق رەزەرۆتەر جىل باسىنان باستاپ 1 ملرد اقش دوللارىنا تٶمەندەپ, 93,3 ملرد اقش دوللارىن قۇرادى», - دەدٸ ۇلتتىق بانك تٶراعاسى.
