© Photo : Unsplash / Patrick Federi
Qazaqstanda alǵashqy atom elektr stantsiiasyna ataý berý boiynsha jalpy halyqtyq konkýrs óz máresine jetti. Atom energiiasy jónindegi agenttiktiń málimetinshe, eń kóp daýys jinaǵan «Balqash» ataýy jeńimpaz bolyp tanyldy. Bul týraly Atom energiiasy jónindegi agenttigi habarlady.
Bul bastama 2025 jylǵy 11 tamyzda Prezident Qasym-Jomart Toqaevtyń usynysymen qolǵa alynyp, 25 qyrkúiek pen 10 qazan aralyǵynda eGov Mobile platformasynda ótti. Konkýrsqa 16 jastan asqan 27 157 azamat qatysyp, árqaisysy bir nusqadan usynys bildirdi.
Komissiia qaraǵan 10 460 biregei ataýdyń ishinde «Balqash» eń tanymal bolyp shyqty — ony 882 qatysýshy usynǵan. Geografiialyq ataýdy paidalaný álemdik tájiribege de sai keledi.
Sonymen qatar komissiia nysannyń ózge tilderdegi resmi ataýlaryn bekitti:
orys tilinde — «Atomnaia elektrostantsiia «Balhash»»;
aǵylshyn tilinde — «Balkhash Nuclear Power Plant».
Ataý qabyldaý 10 qazanda saǵat 23:59-da aiaqtaldy. Uiymdastyrýshylardyń aitýynsha, konkýrs bolashaq AES-tiń tarihi, mádeni jáne ulttyq mánin aiqyn kórsetetin ataýdy aiqyndaýdy kózdegen.
