Qazaqstan sońǵy úsh jylda aqshany jylystatýǵa qarsy is-qimyl jasaý indeksin jaqsartty. Bul týraly Qarjy monitoringi komiteti habarlady.
QR QM Qarjy monitoringi komiteti óz qyzmeti jyldarynda Qazaqstannyń zańnamalyq aktilerine FATF halyqaralyq standarttarynyń talaptaryn engizýde aitarlyqtai nátijelerge qol jetkizdi, ulttyq qarjy monitoringi júiesiniń qatysýshylarymen ózara tiimdi árekettesý jáne keri bailanysty qamtamasyz úshin jumys istep turǵan institýtsionaldy jáne zańnamalyq negiz quryldy.
Bul rette kiristerdi jylystatýǵa jáne terrorizmdi qarjylandyrýǵa qarsy is-qimyl (KJ/TQQ) salasyndaǵy qabyldanǵan sharalardyń tiimdiligi Qazaqstannyń tek 2021-2022 jyldary ótetin ózara baǵalaý nátijeleri boiynsha anyqtalady.
Sonymen birge, qazirgi kezde Bazel memlekettik basqarý institýtynyń (Basel AML) aqshany jylystatýǵa qarsy is-qimyl indeksiniń jyl saiynǵy esebi jariialandy, onda Qazaqstan 141 eldiń ishinde 73-shi oryndy ielendi, sondai-aq, Resei (52-oryn). Túrkiia (41-oryn), Ózbekstan (43-oryn), Ýkraina (67-oryn) siiaqty Eýropa jáne Ortalyq Aziia elderin artta qaldyrdy. Qazaqstan úshin bul kórsetkish sońǵy úsh jyldaǵy eń joǵary kórsetkishterdiń biri bolyp tabylady jáne 2018-2019 jyldarmen salystyrǵanda – 45 tarmaqqa jaqsardy.
Jyldyq esepterdiń derekterinde eldiń AJ/TQ-ǵa osaldyǵy anyqtalady.
Pozitsiialardyń jaqsarýyna barlyq memlekettik, quqyq qorǵaý jáne arnaýly memlekettik organdardyń, sondai-aq AJ/TQ-ǵa qarsy is-qimyl salasyna qatysatyn qarjy monitoringi sýbektileriniń tiimdi jáne rettelgen jumysynyń arqasynda qol jetkizilgen bolatyn.
Komitet bólimsheleriniń ózara tiimdi is-qimylynyń arqasynda qarjylyq piramidalarmen kúres boiynsha jumys sapasyn edáýir jaqsartýǵa, birqatar «birkúndik firmalar» qyzmetiniń jolyn kesýge jáne aqshalai qarajatty qolma-qol aqshaǵa ainaldyrý deńgeiin 39%-ǵa tómendetýge múmkindik týdy.
