Foto: QR MAM
Jenevada ótken BUU Adam quqyqtary jónindegi komitetiniń 144-sessiiasynda Qazaqstannyń Azamattyq jáne saiasi quqyqtar týraly halyqaralyq paktti júzege asyrý boiynsha Úshinshi ulttyq baiandamasy talqylandy, dep habarlaidy Ult.kz.
Delegatsiiany QR Mádeniet jáne aqparat vitse-ministri Evgenii Kochetov bastap, eldegi mańyzdy reformalardy tanystyrdy.
Genderlik teńdik máselesine basa nazar aýdaryldy. Áielderge 30% kvota engizilgen, memlekettik qyzmettegi áielderdiń úlesi 55,8%-ǵa jetken, al Parlamenttegi kórsetkish — 19,6%. Genderlik saraptama men genderlik baǵdarlanǵan biýdjet josparlaý jumystary qolǵa alynýda.
Sońǵy jyldary turmystyq zorlyq-zombylyqqa qarsy zań kúsheitilip, agressorlarǵa qylmystyq jaýapkershilik júkteldi. Aldyn alý sharalary retinde otbasyn qoldaý ortalyqtarynyń jumysy ońtailandyrylyp, mobildi toptar quryldy. Sondai-aq, agressorlarǵa psihologiialyq túzetý sharalary engizildi.
Sóz bostandyǵy men azamattyq qoǵamdy damytý baǵytynda «Mass media týraly» jáne «Onlain platformalar týraly» zańdar qabyldanyp, epetition.kz platformasy iske qosyldy. Elde 17 myńnan astam úkimettik emes uiym jumys istep jatyr.
Qazaqstannyń reformalary halyqaralyq alańda oń baǵa aldy. Eldiń adam quqyqtaryn qorǵaý jáne ashyq dialog ornatýǵa degen umtylysy erekshe atap ótildi.
