فوتو: قر مام
جەنەۆادا ٶتكەن بۇۇ ادام قۇقىقتارى جٶنٸندەگٸ كوميتەتٸنٸڭ 144-سەسسيياسىندا قازاقستاننىڭ ازاماتتىق جەنە ساياسي قۇقىقتار تۋرالى حالىقارالىق پاكتتٸ جٷزەگە اسىرۋ بويىنشا ٷشٸنشٸ ۇلتتىق بايانداماسى تالقىلاندى, دەپ حابارلايدى Ult.kz.
دەلەگاتسييانى قر مەدەنيەت جەنە اقپارات ۆيتسە-مينيسترٸ ەۆگەنيي كوچەتوۆ باستاپ, ەلدەگٸ ماڭىزدى رەفورمالاردى تانىستىردى.
گەندەرلٸك تەڭدٸك مەسەلەسٸنە باسا نازار اۋدارىلدى. ەيەلدەرگە 30% كۆوتا ەنگٸزٸلگەن, مەملەكەتتٸك قىزمەتتەگٸ ەيەلدەردٸڭ ٷلەسٸ 55,8%-عا جەتكەن, ال پارلامەنتتەگٸ كٶرسەتكٸش — 19,6%. گەندەرلٸك ساراپتاما مەن گەندەرلٸك باعدارلانعان بيۋدجەت جوسپارلاۋ جۇمىستارى قولعا الىنۋدا.
سوڭعى جىلدارى تۇرمىستىق زورلىق-زومبىلىققا قارسى زاڭ كٷشەيتٸلٸپ, اگرەسسورلارعا قىلمىستىق جاۋاپكەرشٸلٸك جٷكتەلدٸ. الدىن الۋ شارالارى رەتٸندە وتباسىن قولداۋ ورتالىقتارىنىڭ جۇمىسى وڭتايلاندىرىلىپ, موبيلدٸ توپتار قۇرىلدى. سونداي-اق, اگرەسسورلارعا پسيحولوگييالىق تٷزەتۋ شارالارى ەنگٸزٸلدٸ.
سٶز بوستاندىعى مەن ازاماتتىق قوعامدى دامىتۋ باعىتىندا «ماسس مەديا تۋرالى» جەنە «ونلاين پلاتفورمالار تۋرالى» زاڭدار قابىلدانىپ, epetition.kz پلاتفورماسى ٸسكە قوسىلدى. ەلدە 17 مىڭنان استام ٷكٸمەتتٸك ەمەس ۇيىم جۇمىس ٸستەپ جاتىر.
قازاقستاننىڭ رەفورمالارى حالىقارالىق الاڭدا وڭ باعا الدى. ەلدٸڭ ادام قۇقىقتارىن قورعاۋ جەنە اشىق ديالوگ ورناتۋعا دەگەن ۇمتىلىسى ەرەكشە اتاپ ٶتٸلدٸ.
