Respýblikanyń 7 óńirinde aýa raiyna bailanysty eskertý jariialandy, dep habarlaidy "Ult aqparat" «Qazgidromet» RMK-ǵa silteme jasap.
Túrkistan oblysynda 11 tamyzda tańerteń jáne kúndiz naizaǵai oinap, daýyl turýy yqtimal. Táýlik ishinde kei jerlerde shańdy daýyl bolyp, túnde kei jerlerde soltústik-batystan soqqan jeldiń ekpini kúsheiip, kúndiz óńirdiń basym kópshiliginde jeldiń jyldamdyǵy sekýndyna 15-20 metrge, kei jerlerde 25 metrge jetedi dep kútilýde.
Daýyl turý yqtimaldyǵy - 90-95%.
Qostanai oblysynda 11 tamyzda kei jerlerde naizaǵai jarqyldap, soltústik-batystan jyldamdyǵy sekýndyna 15-20 metr jel soǵady. Jeldiń ekpini sekýndyna 25 metr bolady.
Daýyl turý yqtimaldyǵy - 90-95%.
Soltústik Qazaqstan oblysynda 11 tamyzda túnde soltústik-batystan kei jerlerde jyldamdyǵy sekýndyna 15-20 metrge jetetin, kúndiz sekýndyna 15-20 metr, kei jerlerde jyldamdyǵy sekýndyna 25 metr bolatyn jel soǵýy yqtimal.
Petropavl qalasynda 11 tamyzda soltústik-batystan jyldamdyǵy sekýndyna 15-20 metr bolatyn jel soǵýy múmkin. Kúndiz naizaǵai oinap, daýyl turady. Burshaq jaýýy yqtimal.
Daýyl turý yqtimaldyǵy - 90-95%.
Jambyl oblysynda 12 tamyzda kei jerlerde qatty jaýyn-shashyn bolyp, 11 tamyz kúndiz, 12 tamyz táýlik boiy naizaǵai jarqyldap, burshaq jaýýy yqtimal. 12 tamyzda daýyl turyp, tuman túsedi. Soltústik-batystan soqqan jel ońtústik-batysqa qarai yǵysady. Kei jerlerde jeldiń jyldamdyǵy sekýndyna 15-20 metrge barady.
Taraz qalasynda 11 tamyzda kúndiz, 12 tamyzda táýlik boiy ara-tura naizaǵai jarqyldap, burshaq jaýýy yqtimal. 12 tamyzda daýyl turýy múmkin. Soltústik-batys jel ońtústik-batysqa qarai yǵysady. Ekpini -seýkýndyna 15-20 metr ainalasynda bolady.
Daýyl turý yqtimaldyǵy - 80-90%.
ShQO-nyń taýly ózenderinde 12-13 tamyzda jáne Almaty men Jambyl oblysynda kei jerlerde qatty jaýyn-shashynnyń boljalýymen bailanysty sý deńgeii kóterilýi múmkin.
Aqtóbe oblysynda 11 tamyzda kei jerlerde naizaǵai túsýi múmkin.
Aqtóbede 11 tamyzda kúndiz soltústik-batystan jyldamdyǵy sekýndyna 18 metrge jetetin jel soǵýy yqtimal.
