Qazaqstannyń alty óńirinde aýa raiyna bailanysty eskertý jariialandy, dep habarlaidy "Ult aqparat" «Qazgidromet» RMK baspasóz qyzmetine silteme jasap.
13 qańtarda Qaraǵandy oblysynyń kei jerlerinde tuman túsip, burqasyn bolady. Batystan soqqan jel soltústik-shyǵysqa aýysady, kei jerlerinde jyldamdyǵy sekýndyna 15-20 metrge jetedi, ekpini 23-28 m/s.
Qaraǵandy qalasynda túnde burqasyn bolady. Batystan soqqan jel soltústik-shyǵysqa qarai oiysyp, túnde ekpini 15-20 m/s-ke jetedi. Aýa raiy boljamynyń dáldigi 70-75%.
Shyǵys Qazaqstan oblysynyń kei jerlerinde jaiaý burqasyn bolyp, tuman túsedi. Ońtústik-batystan jel soǵady, kúshi kei jerlerde 15-20 m/s bolady.
Batys Qazaqstan oblysynyń kei jerlerinde tuman túsedi. Aýa raiy boljamynyń dáldigi 85-90%.
Aqmola oblysynyń kei jerlerinde jaiaý burqasyndatyp, tuman túsedi. Soltústik-batystan jel soǵady, túnde jáne tańerteń kúshi kei jerlerde 15-20 m/s bolady.
Kókshetaýda túnde jaiaý burqasyn bolady. Aýa raiy boljamynyń dáldigi 85-90%.
13 qańtar kúni túnde Túrkistan oblysynyń taýlarynda qatty jaýyn-shashyn (jańbyr, qar) bolady. Kei jerlerde tuman túsip, jaiaý burqasyn bolady, soltústik-shyǵystan soǵatyn jeldiń kúshi 15-20 m/s-ke jetedi.
Shymkentte túnde jáne tańerteń tuman túsedi.
Túrkistanda túnde jáne tańerteń soltústik-shyǵystan 15-20 m/s jyldamdyqpen jel soǵady. Aýa raiy boljamynyń dáldigi 90-95%.
Soltústik Qazaqstan oblysynyń kei jerlerinde burqasyndatyp, tuman túsedi. Soltústikten, soltústik-batystan jel soǵady, kei jerlerde kúshi 15-20 m/s bolady. Aýa raiy boljamynyń dáldigi 90-95%.
Jambyl oblysynda kei jerlerde ońtústik-batystan jel soǵyp, jyldamdyǵy sekýndyna 15-20 metrge jetedi, ekpini 23-28 m/s bolady, oblystyń ońtústik-batysynda 30 m/s jáne odan asady.
Tarazda ońtústik-batystan jel soǵyp, kúshi 15-20 m/s-ke jetedi, ekpini 23-28 m/s.
