Sinoptikterdiń boljamynsha, 9 shilde kúni birneshe oblysta aptap ystyq bolady, dep habarlaidy "Ult aqparat" Qazgidrometke silteme jasap.
9 shilde kúni kúndiz Atyraý oblysynda aýa temperatýrasy 35-38 gradýs ainalasynda bolady.
Atyraý qalasynda 9 shildede kúndizgi aýa temperatýrasy 35-37 gradýsqa deiin ysidy.
9 shildede Jambyl oblysynyń kei jerlerinde kúndizgi aýa temperatýrasy 39 gradýs, al 10-11 shilde kúnderi 41 gradýsqa deiin jetedi.
Tarazda 10-11 shildede kúndizgi aýa temperatýrasy 38-40 gradýs ainalasynda bolady.
9 shildede Shyǵys Qazaqstan oblysynyń kei jerlerinde aýa temperatýrasy 36 gradýs bolyp, naizaǵai oinaidy, burshaq jaýýy múmkin. Soltústik-shyǵystan, shyǵystan soǵatyn jeldiń jyldamdyǵy kei jerlerde 15-20 m/s-qa deiin jetedi.
Sondai-aq, 10 shildede Aqmola oblysynyń kei jerlerinde, 11 shildede basym bóliginde 35-38 gradýs ystyq kútiledi.
9 shildede Qyzylorda oblysynda jel soltústikten, soltústik-shyǵystan soǵady, kúshi kei jerlerde 15-20 m/s saqtalady. Kúndiz 41°S qatty ystyq kútiledi.
10-11 shildede kúndiz Aqtóbe oblysynyń kei jerlerinde, 11 shildede Qaraǵandy oblysynyń kei jerlerinde 40-41 gradýs óte qatty ystyq kútiledi.
