Ishki ister ministri Erlan Turǵymbaev karantin talaptarynyń saqtalýyn qadaǵalaý jumysyna politsiia men Ulttyq ulannyń 10 myńnan astam qyzmetkeri jumyldyrylǵanyn málim etti, dep habarlaidy "Ult aqparat".
«Bas memlekettik sanitarlyq dárigerlerdiń qaýlysyna sáikes, elimiz boiynsha 15 sanitarlyq (Almaty, Qostanai, Aqtóbe, Atyraý oblystarynda) beketter qoiylǵan. Karantin talaptarynyń saqtalýyn qadaǵalaý jumysyna politsiia men Ulttyq ulannyń 10 myńnan astam qyzmetkeri jumyldyrylǵan. 290 karantin nysany baqylaýda», - dedi Erlan Turǵymbaev Úkimet otyrysynda.
Ministrdiń aitýynsha, qazirgi ýaqytta áýe jáne temirjol vokzaldarynda jolaýshylar aǵyny 31 myń jáne 17 myń adamdy qurap otyr.
«Jolaýshylardyń eń úlken aǵyny Almaty men Nur-Sultan arasynda tirkelýde. Táýlik saiyn eki qala ortasynda ary-beri 10 myńǵa tarta adam júredi», - dedi Erlan Turǵymbaev.
Aita keteiik, búgingi Úkimet otyrysynda Densaýlyq saqtaý ministri Aleksei Tsoi vaktsina 1 aqpannan bastap egiletinin jáne eń aldymen kimderge salynatynyn aitqan bolatyn.
