Saýd Arabiiasyndaǵy qazaqstandyqtar elge oraldy, dep habarlaidy "Ult aqparat" coronavirus2020.kz resýrsyna sliteme jasap.
Azamattarymyzdy shet elderden qaitarý jónindegi is-sharalar sheńberinde Qazaqstan Respýblikasy Qorǵanys ministrligi men Syrtqy ister ministrliginiń, sondai-aq Saýd Arabiiasynyń memlekettik organdarynyń birlesken kúsh-jigerimen 24 naýryzda osy eldegi otandastarymyz elge qaitaryldy.
«Qazaqstannyń Áskeri-áýe kúshteri áskeri-kólik aviatsiiasynyń atsalysýymen Qazaqstannyń 33 azamaty «Djidda - Aqtaý» baǵyty boiynsha aman-esen úiine oraldy. Bul azamattar Koroldiktiń aýmaǵynda bolǵan jáne Saýd biligi COVID-19 taralýyna qarsy sharalar qabyldaý aiasynda shekteý sharalaryn engizip, halyqaralyq áýe, jer ústi jáne teńiz qatynastaryna tolyq tyiym salý saldarynan elden shyǵa almai qalǵan» delingen habarlamada.
Qazirgi ýaqytta Saýd Arabiiasynyń aýmaǵynda Qazaqstan Respýblikasynyń 100-ge jýyq azamaty óz erkimen qaldy. Olardyń kópshiligi kelisimshart boiynsha Koroldiktiń túrli qalalarynda jumys isteidi. Onyń ishinde týristik vizamen kelgen jáne Mekke men Medina qalalarynda ýaqytsha júrgen 11 adam bar.
Elshilik pen Bas konsýldyq atalǵan azamattarmen turaqty bailanysta.
