Elimizdiń úsh qalasynda mektep oqýshylary sabaqty onlain formatta oqidy. Bul týraly QR Bilim jáne ǵylym ministrligi mektepke deiingi jáne orta bilim komiteti tóraǵasy Gúlmira Karimova málim etti, dep habarlaidy QazAqparat.
«Búgin mektepte úshinshi toqsan bastaldy, ol 18 naýryzǵa deiin jalǵasady. Oqý ártúrli formatta bolady. Bizdiń ministrliktiń ustanymy mektep oqýshylarynyń dástúrli formatta oqyǵany jáne sol úshin de bar jaǵdaidy jasaidy. Úsh qalada, atap aitqanda Nur-Sultan, Almaty jáne Shymkentte úshinshi toqsan qashyqtan oqytý formatynda bastaldy. Biraq bul mektep oqýshylary úshinshi toqsan boiy onlain rejimde bilim alady degendi bildirmeidi. Epidahýal jaqsarǵan jaǵdaida sanitarlyq dárigerler oflain oqytýǵa aýystyrý týraly sheshim qabyldaidy», - dedi Gúlshmira Karimova OKQ-de onlain ótken baspasóz máslihatynda.
Onyń aitýynsha, basqa óńirlerde de 600-den kóp oqýshysy bar mektepter qashyqtan oqýǵa kóshýi tiis.
«1-2 synyp oqýshylary olardyń jas ereksheligin eskere otyryp sabaqty mektepke kelip oqidy. 3-5 synyp oqýshylary kezekshi top formatynda bilim alady. Al qalǵan synyptar qashyqtan oqýǵa kóshýi tiis. Sondai-aq, mektepte 600 oqýshydan az bolsa, ol mektepke dástúrli formatta bilim berýge ruqsat», - deidi ol.
