11 naýryzdaǵy jaǵdai boiynsha Ýkrainadan qazaqstandyq menshik ielerine tiesili 57 júk avtokóliginiń 49-y shyqty. Osylaisha, bul eldiń aýmaǵynda 8 júk kóligi, onyń ishinde ýkraindyq júrgizýshileri bar Qazaqstannyń 4 júk kóligi qalyp otyr, dep habarlaidy "Ult aqparat" IIDM-ǵa silteme jasap.
Sonymen qatar, Ýkrainada elimizdiń azamattaryna tiesili 1457 júk vagony tur. Olardy basqa baǵyttarǵa jiberý jumystary jalǵasýda.
"Halyqaralyq tasymaldarda týyndaǵan máseleler boiynsha jedel áreket etý úshin QR IIDM, «Qazaqstan temir joly» UK» AQ jáne elimizdiń teńiz porttary janynan «Jedel jeliler» ashyldy. Múddeli taraptarmen kelissózder júrgizilip jatyr.
Aqtaý jáne Quryq teńiz porttary qalypty rejimde jumys istep tur. Júkter bógelip jatqan joq" - deidi ministrliktiń baspasóz qyzmeti.
