QR SIM baspasóz qyzmetiniń jetekshisi Ánýar Jainaqov Qazaqstannyń 14 azamatynyń Iraktaǵy janjal aimaqtarynan shyǵarylǵandyǵy jóninde málimdeme jasady, dep habarlaidy "Ult aqparat".
"Biz Qazaqstannyń 14 azamatynyń Iraktaǵy qarýly qaqtyǵystar aimaǵynan shyǵarylǵany jaily málimet aldyq. Olardyń ishinde bir er adam, úsh áiel jáne on bala bar. Qazirgi ýaqytta olar Irakta, evakýatsiiaǵa daiyndalyp jatyr. Iordaniiadaǵy Qazaqstan elshiliginde diplomattarymyz osy máselemen ainalysyp jatyr. Keiinirek tolyǵyraq málimet beriletin bolady", - dep jazdy QR SIM baspasóz qyzmetiniń jetekshisi Ánýar Jainaqov Facebook jelisindegi paraqshasynda.
Eske sala keteiik, osyǵan deiin Sheshenstan basshysy Ramzan Qadyrov gýmanitarlyq operatsiia aiasynda Iraktyń Tal-Afar qalasynan alty reseilik pen alty qazaqstandyq azamattyń evakýatsiialanǵanyn aitqan bolatyn.
