© RIA Novosti
Premer-ministrdiń orynbasary - syrtqy ister ministri Muhtar Tileýberdi Qazaqstanǵa kelgen reseilikterdiń aitarlyqtai azaiǵanyn aitty, dep habarlaidy Sputnik Qazaqstan.
Reseide ishinara mobilizatsiia jariialanǵan kúnnen bastap Qazaqstanǵa keletin reseilikterdiń sany kúrt ósti. Ishki ister ministrliginiń sońǵy málimetine sáikes, 21 qyrkúiekten beri Qazaqstanǵa 200 myń Resei azamaty kirgen. Olardyń ishinde tranzitpen ótetinder de az emes.
Al Cyrtqy ister ministri Muhtar Tileýberdiniń aitýynsha, keshe teris migratsiia tirkeldi. Ondaida elden keletinderden góri shyǵatyndar kóp bolady.
"Sońǵy málimetterge sáikes, keshe teris migratsiia boldy, iaǵni, Qazaqstannan shyǵyp ketken Resei azamattarynyń sany kirgenderden kóp boldy", - dedi Tileýberdi Májilis otyrysynan keiin jýrnalisterge bergen suhbatynda.
Aita keteri, buǵan deiin Ishki ister ministri Marat Ahmetjanov Qazaqstanǵa 200 myńnan astam reseilikterdiń kelgenin aitqan. Olardyń ishinde 147 myń adam basqa elge ketip qaldy. Al Tsifrlyq damý ministri Baǵdat Mýsinniń aitýynsha, 70 myń Resei azamaty JSN alyp úlgergen.
