Energetika ministrliginde múddeli memlekettik organdar, kómir óndirýshi kásiporyndar, taýar birjalary, treiderler men «Qazaqstan temir joly» Ulttyq kompaniiasynyń qatysýymen keńes ótti, dep habarlaidy "Ult aqparat" ministrliktiń baspasóz qyzmetine silteme jasap.
Májiliste kommýnaldyq-turmystyq kásiporyndardy jáne halyqty kómirmen qamtamasyz etý, kómir jóneltýdiń problemalary talqylandy.
«Sala elektr energiiasy óndirisiniń 70% jýyǵyn, koks himiialyq óndirisi júktemesiniń 100 paiyzǵa jýyǵyn qamtamasyz etip otyr. Kommýnaldyq-turmystyq sektordyń jáne halyqtyń otynǵa degen suranysyn tolyǵymen qanaǵattandyrýda», - delingen baspasóz habarlamasynda.
Shuǵyl málimetter boiynsha, ústimizdegi jyldyń 26 qazanyna deiin elde 82 mln tonna kómir óndirildi. Bul ótken jyldyń tiisti kezeńimen salystyrǵanda 10,2% kóp. Ishki naryqqa 59,8 mln tonna kómir jóneltildi, onyń ishinde 44,8 mln tonna energiia óndirýshi kásiporyndarǵa bosatyldy. Eksport 22,9 mln tonnany qurady, bul 2016 jyldyń tiisti kezeńimen salystyrǵanda 13,9% kóp.
Kommýnaldyq-turmystyq qajettilikke jáne halyqqa kómir jóneltý 9,0 mln tonnany qurady, bul ótken jyldyń tiisti kezeńimen salystyrǵanda 12,5%-ǵa kóp.
