Qazaqstannan benzin, dizel otynyn jáne munai ónimderiniń basqa da jekelegen túrlerin áketý tyiymy taǵy 6 aiǵa uzarady. Bul týraly QR Energetika ministri Bolat Aqsholaqov aitty, dep habarlaidy QazAqparat.
«Búgingi kúni Energetika, Qarjy ministrlikteri men Ulttyq qaýipsizdik komitetiniń birlesken buiryǵy bar ekenin atap ótkim keledi. Onyń sheńberinde benzin, dizel otynyn jáne munai ónimderiniń basqa da jekelegen túrlerin avtomobil kóligimen elden tys jerlerge áketýge tyiym salyndy jáne ony taǵy 6 aiǵa uzartý týraly másele pysyqtalyp jatyr», - dedi Energetika ministri Úkimet otyrysynda.
Onyń aitýynsha, biylǵy qańtar-naýryz qorytyndylary boiynsha shamamen 3,4 mln tonna munai ónimi óndirildi nemese ótken jyldyń uqsas kezeńinen 107,5% artyq.
Onyń ishinde avtobenzin boiynsha kórsetkish 1,2 mln tonnaǵa jetip, ótken jyldan 102,9%-ǵa kóbeigen.
1,2 mln tonna dizel otyny óndirilgen (110,5%) quraidy.
Aita keteiik, biylǵy qańtar-naýryzda munai jáne kondensat óndirý kólemi 22,7 mln tonnany nemese 2021 jyldyń uqsas kezeńine 107,6%-dy qurady.
