Áskeri daiyndyq departamentiniń bastyǵy general-maior Almaz Jumakeev bastaǵan inspektsiialyq top Qazaqstannyń bitimger rotasyn tekserý úshin Livan Respýblikasyna bardy, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
Qarýly Kúshter ókilderi jaýapkershilik Qazaqstan bitimger rotasyna júktelgen aýmaqtaǵy ahýalmen, qazaqstandyq bitimgerlerdiń moraldyq-psihologiialyq jaǵdaiymen tanysyp, qarý-jaraq, oq-dári jáne tasyp shyǵarylǵan múlikterdiń jai-kúiin tekserdi, bólimshelerdi rotatsiialaý máselelerin aiqyndady.
Aita keteiik, úsh jarym aidan beri Qazaqstan bitimger polkiniń qurama bitimger rotasynyń 120 áskeri qyzmetshisi «BUU-nyń Livandaǵy ýaqytsha kúshteri» missiiasynyń úndi batalonynyń quramynda BUU mandatyna sáikes, óńirdegi beibitshilik pen qaýipsizdikti saqtaý mindetterin sátti oryndap jatyr.
