Foto: Kriminalnyi Kazahstan
36 jastaǵy Dilnoza Israilova men onyń 44 jastaǵy kúieýi Alisherihodja Israilov jasyryn kamera men arnaiy qulaqqaptardy paidalanyp, Crown Sydney kazinosynda 1,18 million dollardan astam qarjyny aldap utty degen aiypqa ilindi. Bul týraly Kriminalnyi Kazahstan telegram arnasyna silteme jasap Ult.kz habarlaidy.
Erli-zaiyptylar 2025 jyldyń qazanynda Qazaqstannan Sidneige kelgen. Sol kúni-aq olar Crown kazinosynyń múshelik kartasyn rásimdegen. Qazan-qarasha ailarynda olar kazinoǵa birneshe ret baryp, jalpy somasy 1,18 mln dollar utqan. Turaqty iri utystar kazino ákimshiliginiń kúdigin týdyrǵan.
27 qarashada kazino qyzmetkerleri áieldiń Mikki Maýs beinelengen jeidesinen shaǵyn jasyryn kamerany baiqap, politsiia shaqyrǵan. Dilnoza Israilova men onyń kúieýi sol jerde ustaldy.
Tergeýshilerdiń málimetinshe, erli-zaiyptylardan magnittik datchikter, batareialar jáne oiyn ústelderin jasyryn túsirýge múmkindik beretin arnaiy bekitpesi bar telefon tárkilengen. Politsiia sonymen birge telefonǵa arnalǵan qoldan jasalǵan ainasha qondyrmany da tapqan.
Jańa Ońtústik Ýels shtaty politsiiasynyń nusqasy boiynsha, olardyń shemasy bylai jumys istegen: telefondar oiyn ústelindegi kartalardy túsirip turǵan, al qulaq jolynyń ishine jasyrylǵan kózge kórinbeitin qulaqqaptar arqyly olar qandai stavka jasaý keregin aityp otyrǵan.
Kazinoǵa jaqyn jerdegi olardyń turǵan úiin tintý kezinde politsiia basqa da qumar oiyn jabdyqtaryn, qymbat áshekeilerdi jáne 2000 eýro qolma-qol aqshany tapty.
Juma kúni erli-zaiyptylarǵa bultartpaý sharasyn anyqtaý úshin sotqa jetkizildi. Olar kepilmen bosatýdy suramady jáne qamaýda qaldyryldy. Dilnoza Israilova aqpanda qaita sotqa keledi, al Alisherihodja Israilov 11 jeltoqsanda Daýnning ortalyǵy sotyna jetkizilmek.
