Almaty qalasy boiynsha ekonomikalyq tergeý departamenti quny 470 million teńgeden asatyn artemiia salina shaiandaryn (artemiia tsistalary) kontrabandalyq jolmen satqan Qytai men Qazaqstan azamattaryna qatysty sotqa deiingi tergeýdi aiaqtady, dep habarlaidy "Ult aqparat".
Qarjy monitoringi komitetiniń málimetinshe, olar transulttyq uiymdasqan qylmystyq toptyń quramynda áreket etken.
Jedel-izdestirý is-sharalary júrgizilip, jalpy salmaǵy 400 tonnadan asatyn, QR aýmaǵynan áketýge tyiym salynǵan bioresýrstar toltyrylǵan kólik quraldary tabyldy.
Qylmystyq top taýarlardy kontrabandalyq jolmen alyp ótpek bolǵan.
Almaty qalasynyń mamandandyrylǵan aýdanaralyq sotynyń úkimimen tórt sottalýshy QR QK 234-babynyń 3-bóligi 2-tarmaǵynda (ekonomikalyq kontrabanda); QR QK-niń 264-babynyń 1, 2-bóliginde (transulttyq uiymdasqan top, transulttyq qylmystyq uiym qurý jáne oǵan basshylyq etý – olarǵa qatysýmen teń) jáne QR QK 214-babynyń 2-bóliginde (zańsyz kásipkerlik) kózdelgen qylmystardy jasaǵany úshin kináli dep tanylyp, 8 jyldan 10 jylǵa deiin bas bostandyǵynan aiyryldy.
Artemia salina shaiany tuzdy sý qoimalarda tirshilik etedi.
Artemiia tsistasy balyq jáne qus sharýashylyǵynda, sondai-aq farmakologiia men kosmetologiiada joǵary baǵalanady.
