Qazaqstan zańsyz shyǵarylǵan kapitaldy halyqaralyq sottardaǵy talap-aryzdar arqyly qaitarýy kerek. Mundai pikirdi Atameken Business telearnasynda eks-senator Ýálihan Qaisarov pen táýelsiz qarjy taldaýshy Andrei Chebotarev aitty, - dep habarlaidy Tengrinews.kz.
Aktivterdi qaitarý naýqanynyń tiimdiligine (Bas prokýratýra málimeti boiynsha, 230 millirad teńge qaitarylǵan) pikir bildirgen qos spiker de bul úderis tez bolmaitynyn aitty. Qazaqstannyń talaptary halyqaralyq sottarda qaralǵan jaǵdaida jeke aktivterdi qaitarý bes jyldan jeti jylǵa deiin sozylýy múmkin.
Eks-senatordyń aitýynsha, qazir kapitaldy qaitarý erikti-mindetti negizde júrip jatyr.
"Bul jerde másele kúrdelirek. Osydan úsh-tórt jyl buryn táýelsizdik jyldarynda Qazaqstannan 500 milliard dollar shyǵarylǵan degen esep bar. Men senator bolǵan kezimde de Qazaqstannan aiyna tórt-bes milliard dollar shyǵarylǵanyn bilemin. 500 milliard dollar degen kórsetkish shyndyqqa jaqyn bolýy múmkin.
Biraq bul jerde biz mańyzdy máseleni eskerýimiz kerek. Iá, Bas prokýratýra bul aktivterdi qaitarýdy surai alady. Biraq demokratiialyq elderde, ásirese AQSh pen Eýropada aqsha olai ońai qaitarylmaidy. Olar sottyń, qazaqstandyq sotynyń zańdy sheshimi bolǵan jaǵdaida ǵana qaitarylady. Sheshimdi bul elder zańdy sheshim retinde qabyldaidy", - dedi Ýálihan Qaisarov.
