Qytai Halyq Respýblikasy memlekettik keńesiniń vitse-premeri Han Chjen Qazaqstan men Qytaidyń iske asyrǵan sharalaryn atap berdi, dep habarlaidy Sputnik Qazaqstan tilshisi.
"Qazaqstan – bizdiń kórshimiz ári strategiialyq áriptesimiz. Dál osy jerde Jibek jolynyń ekonomikalyq beldeýine arnalǵan bastama kóterildi. Bizdi ekonomikalyq múdde ǵana emes, ajyramas taǵdyr da jaqyndastyrady. Dostyǵymyzdyń nátijesi de aitarlyqtai. Biz birinshi bolyp, shekara máselesin sheship, sol shekaranyń 1780 shaqyrymyn dostyqtyń dánekerine ainaldyrdyq", - dedi Chjen XII Astana ekonomikalyq forýmynyń plenarlyq otyrysynda.
Onyń aitýynsha, Qazaqstan men Qytai birinshi bolyp munai-gaz qubyrlaryn tartyp, energetikalyq áriptestikti kúsheitti. Eki memleket jan-jaqty yntymaqtastyqty jolǵa qoidy. Ónidiris pen innovatsiialar salasyndaǵy qarym-qatynastyń orny bólek.
"Búginde jalpy quny 27 milliard dollar 55 birlesken joba maquldandy. Budan bólek, biz birinshi bolyp Lianiýngan siiaqty logistikalyq bazany iske qosyp, "Qorǵas" halyqaralyq yntamaqtastyq ortalyǵyn ashtyq. "Qorǵas – Shyǵys qaqpasy" arnaiy ekonomikalyq aimaǵymyz bar. Osynyń bári tyǵyz qarym-qatynasty ornatýǵa múmkindik berdi. Bizdiń maqsatymyz birdei, al ekonomikalyq kózqarasymyz uqsas. Damý strategiialarymyz da birin-biri tolyqtyryp otyrady. Qytai men Qazaqstannyń armanyn birge iske asyraiyq!", - dep atap kórsetti Chjen.
Qytaidyń vitse-premeri Qazaqstannyń aqyldy qalalar bastamasyn iske asyrýǵa daiar ekenin jetkizdi. Budan bólek, kórshi memleket elektrondy saýda, tsifrlyq ekonomika, tsifrlyq óndiris, biologiialyq tehnologiialar jáne balamaly energiia kózderi boiynsha birlesip jumys isteýge ázir.
