Qazaqstanmen shekaraǵa jaqyn jerde Ózbekstan qorǵanys ministrliginiń qoimasynda jarylys bolyp, 16 adam zardap shekti, - dep habarlaidy Tengrinews.kz agenttigi.
Ózbekstan Densaýlyq saqtaý ministrliginiń Telegram-arnasynyń málimetinshe, jergilikti ýaqyt boiynsha saǵat 05:01-de tótenshe jaǵdailar bólimine Syrdariia aýdanyndaǵy Málik aýylynda jarylys bolǵany týraly habarlama kelip túsken.
"Osydan keiin oqiǵa saldarynan zardap shekken 16 naýqastyń 12-si Syrdariia aýdandyq meditsina birlestigine jetkizildi. Zardap shekkenderdiń barlyǵyna dereý alǵashqy meditsinalyq kómek kórsetildi", - delingen habarlamada.
Zardap shekken tórt adam Respýblikalyq jedel meditsinalyq járdem ortalyǵynyń Syrdariia filialynda statsionarlyq baqylaýǵa alyndy. Zardap shekkender arasynda aýyr jaralanǵandar men aýyr halde jatqan naýqastar joq ekeni atap ótildi.
Eske salaiyq, oqiǵa 22 qazan tańǵy saǵat 4:55-te Ózbekstannyń Málik aýylyndaǵy áskeri qoimada (Qazaqstan shekarasynan birneshe shaqyrym ǵana jerde – red.) bolǵan. Ministrlik bul qoimada ne saqtalǵanyn jáne jarylysqa ne sebep bolǵanyn anyqtap aitpady.
