قازاقستانمەن شەكاراعا جاقىن جەردە ٶزبەكستان قورعانىس مينيسترلٸگٸنٸڭ قويماسىندا جارىلىس بولىپ, 16 ادام زارداپ شەكتٸ, - دەپ حابارلايدى Tengrinews.kz اگەنتتٸگٸ.
ٶزبەكستان دەنساۋلىق ساقتاۋ مينيسترلٸگٸنٸڭ Telegram-ارناسىنىڭ مەلٸمەتٸنشە, جەرگٸلٸكتٸ ۋاقىت بويىنشا ساعات 05:01-دە تٶتەنشە جاعدايلار بٶلٸمٸنە سىردارييا اۋدانىنداعى مەلٸك اۋىلىندا جارىلىس بولعانى تۋرالى حابارلاما كەلٸپ تٷسكەن.
"وسىدان كەيٸن وقيعا سالدارىنان زارداپ شەككەن 16 ناۋقاستىڭ 12-سٸ سىردارييا اۋداندىق مەديتسينا بٸرلەستٸگٸنە جەتكٸزٸلدٸ. زارداپ شەككەندەردٸڭ بارلىعىنا دەرەۋ العاشقى مەديتسينالىق كٶمەك كٶرسەتٸلدٸ", - دەلٸنگەن حابارلامادا.
زارداپ شەككەن تٶرت ادام رەسپۋبليكالىق جەدەل مەديتسينالىق جەردەم ورتالىعىنىڭ سىردارييا فيليالىندا ستاتسيونارلىق باقىلاۋعا الىندى. زارداپ شەككەندەر اراسىندا اۋىر جارالانعاندار مەن اۋىر حالدە جاتقان ناۋقاستار جوق ەكەنٸ اتاپ ٶتٸلدٸ.
ەسكە سالايىق, وقيعا 22 قازان تاڭعى ساعات 4:55-تە ٶزبەكستاننىڭ مەلٸك اۋىلىنداعى ەسكەري قويمادا (قازاقستان شەكاراسىنان بٸرنەشە شاقىرىم عانا جەردە – رەد.) بولعان. مينيسترلٸك بۇل قويمادا نە ساقتالعانىن جەنە جارىلىسقا نە سەبەپ بولعانىن انىقتاپ ايتپادى.
