AQSh Memlekettik hatshysynyń azamattyq qaýipsizdik, demokratiia jáne adam quqyqtary jónindegi orynbasary Ýzra Zeia Reseige qarsy sanktsiianyń Qazaqstanǵa yqpalyna qatysty pikir bildirdi, dep habarlaidy QazAqparat.
«Biz ekijaqty qarym-qatynastyń 30 jyldyǵyn atap ótip jatyrmyz jáne Qazaqstanmen ózara bailanysty tereńdetýge beiil ekenimizdi rastaǵym keledi. Búgin barynsha syndarly ári jemisti dialog boldy. AQSh Qasym-Jomart Toqaevtyń 16 naýryzda jariialaǵan saiasi kúntártibin qoldaitynyn qýattaimyn. Bul bastamalar júzege assa, ol Qazaqstannyń barsha qazaqstandyqtar úshin ádil ári inkliýzivti orynǵa ainalýyna kómektesedi. Ortalyq Aziiadaǵy turaqtylyq pen órkendeýdi ilgeriletý maqsatymyzda Qazaqstannyń orny erekshe», - dedi ol búgin elimizdiń Syrtqy ister ministrliginde ótken kezdesýden keiin BAQ ókilderiniń saýalyna orai.
Sonymen qatar ol RF prezidenti men atalǵan eldiń birqatar azamatyna qatysty sanktsiia qoldanylǵanyn atap ótti.
«Bárimiz de Reseidiń Ýkrainaǵa ádiletsiz basyp kirýine bailanysty týyndaǵan halyqaralyq daǵdaryspen betpe-bet kelip otyrmyz. Halyqaralyq qoǵamdastyq jedel ún qatyp, Reseige qatysty birqatar sanktsiiany shuǵyl usyndy. Olar qyzmetkerler men seriktesterge, onyń Qazaqstanǵa teris yqpalyn qysqartýǵa baǵyttalǵan. Bizdiń sanktsiiamyz prezident Pýtinge jáne halyqaralyq saiasatty turaqsyzdandyrýǵa jol bergen nemese soǵysqa qarsy shyqqan reseilikterdi basyp-janshýǵa tartylǵan RF keibir tulǵalaryna qarsy baǵyttalyp otyr», - dedi Ýzra Zeia.
