Qazaqstanǵa ziiandy shyǵaryndylardy tómendetý úshin aldaǵy 10 jyldyń ishinde 273 mlrd dollar qajet. Bul týraly «Qazaqstan-Ýkraina» birinshi klimattyq dialog barysynda Dúniejúzilik banktiń Ortalyq Aziiadaǵy turaqty damý sektorynyń jetekshisi Djein Ebinger aitty, dep habarlaidy QazAqparat.
«Qazaqstan men Ýkraina jasyl damý baǵytynda óte aýqymdy maqsattardy alǵa qoiyp otyr. Degenmen, bul maqsattarǵa qol jetkizý jáne sol joldaǵy transformatsiia jeńil bola qoimaityndyǵy anyq. Kómirsýtekke beitarap maqsatqa qol jetkizý, ásirese energetika sektorynda aitarlyqtai kúsh-qýatty erekshe qajet etedi. Bul Qazaqstanǵa energiia qamtylymy jolynda ózgeristerdi talap etedi jáne shyǵaryndylardy tómendetýge qatysty nátijege qol jetkizýdegi saiasatta naqty ózgeristerdi qamtidy. Jalpy, Qazaqstanda ilespe gaz shyǵaryndysynyń 80 paiyzdan astamy janar-jaǵarmaidy óndirý, qaita óńdeý, tasymaldaý, saqtaý jáne jaǵýǵa bailanysty», - dedi ol.
Sarapshynyń atap ótýinshe, Qazaqstan 2030 jylǵa qarai ilespe gaz shyǵaryndysyn 1995 jylǵy deńgeimen salystyrǵanda 30 paiyzǵa qysartýdy josparlap otyr. Bul rette shyǵaryndylardy basqarýdyń ulttyq júiesi ilespe gazdyń jalpy shyǵaryndysynyń tek 40 paiyzyn ǵana baqylai alady.
«Shyǵaryndyny basqarý júiesinde, ziiandy qaldyqtardy basqarýda qatań shekteýler kerek. Al jańartylmaly energiia kózderi salasynda jańa ádister 2021-2030 jyldary kezeńinde kómirsýteksizdendirý is-sharalaryna baǵyttalatyn shamamen 273 mlrd dollar investitsiia qajet. Árine, bul maqsattarǵa qol jetkizý is-sharalaryn engizý barysynda kezeń-kezeńimen institýttsionaldy ádister talap etiletin bolady», - dedi Djein Ebinger.
