Kóliktegi bas sanitarlyq dáriger Sádýaqas Baiǵabylov 29 qazan kúni túnde 10 halyqaralyq áýe reisimen elge 1072 jolaýshy ushyp kelgenin málim etti. Olardyń 1047-de PTR-test anyqtamasy bolǵan, dep habarlaidy "Ult aqparat".
«Nur-Sultandaǵy 4 reis boiynsha 426 jolaýshynyń 418-de, Almatydaǵy 4 reis boiynsha 536 jolaýshynyń 522-de, Qaraǵandydaǵy 1 reis boiynsha 16 jolaýshynyń bárinde, Shymkentke ushyp kelgen 94 jolaýshynyń (1 reis) 91-de PTR-test anyqtamasy bar bolyp shyqty», - dep habarlaidy Sádýaqas Baiǵabylov.
PTR-test anyqtamasy joq azamattar Nur-Sultan, Almaty men Shymkent qalalaryndaǵy karantindik statsionarǵa jatqyzylǵan. Jolaýshylar halyqaralyq áýe reisterimen Túrkiia, Resei, BAÁ elderinen kelgen.
Sonymen qatar Sádýaqas Baiǵabylov Túrkiiadan kelgen Tájikstan azamaty PTR-test anyqtamasy bolmaǵandyqtan Almaty áýejaiynan deportatsiialanǵanyn jetkizdi.
