Foto: elements.envato.com
Qylmyskerler TMD elderinde urlanǵan avtokólikterdi Qazaqstanǵa ákeledi. Elimizde osyndai 200 kólik anyqtalǵan. Bul týraly IIM ókilderi brifingte aitty, - dep habarlaidy Tengrinews.kz agenttigi.
"Qaitalama naryqtaǵy avtokólikterdiń negizgi bóligi Qazaqstanǵa taiaý shet elderden, negizinen Reseiden ákelinedi. Bul jaǵdaidy qylmystyq elementter elimizge avtokólik quraldaryn jetkizýdi uiymdastyrý úshin paidalanýǵa tyrysady", - dedi IIM Kriminaldyq politsiia departamentiniń asa mańyzdy ister jónindegi aǵa jedel ýákili Qudiiar Nurseiitov.
Ol bul másele boiynsha Ishki ister ministrligi TMD elderiniń quqyq qorǵaý organdarymen tyǵyz yntymaqtastyqta ekenin aitty.
"Keiingi 5 jylda TMD elderinde Qazaqstanda urlanǵan 50-den asa avtokólik tabyldy. Óz kezeginde bizdiń elimizde TMD aýmaǵynda urlanǵan 200-ge jýyq avtokólik tabyldy", - dedi Nurseiitov.
Jyl basynan beri onyń aitýynsha, elde 909 kólik urlanǵan, onyń 775-i tabylǵan jáne zańdy ielerine qaitarylǵan nemese 85,3 paiyzy.
