Foto: Sarbaz.kz
Syrdariia ózeni arqyly 3,7 mlrd, Shý jáne Talas ózenderinen 600 mln tekshe metrden astam sý jetkiziledi, dep habarlaidy Ult.kz.
«Byltyr ministrlik Qazaqstannyń ońtústik óńirindegi diqandardy sýarmaly sýmen tolyq qamtamasyz etti. Biyl da vedomstvo Ortalyq Aziia elderimen kelissózder júrgizdi. Onyń nátijesi boiynsha 2025 jylǵy sýarý maýsymynda Syrdariia ózeni arqyly elimizge 3,7 mlrd tekshe metr sý keledi. Shý jáne Talas ózenderimen 600 mln tekshe metrden astam sý jetkiziledi», – dedi Sý resýrstary jáne irrigatsiia vitse-ministri Erbolat Ibraihanov.
Búginde «Qazsýshar» kásiporny elimizdiń 7 óńirinde jalpy uzyndyǵy 2011 shaqyrym bolatyn kanaldardy mehanikalyq jolmen tazartyp jatyr.
Bul jumys Almaty, Batys Qazaqstan, Shyǵys Qazaqstan, Jambyl, Qyzylorda, Túrkistan jáne Jetisý oblystarynda júrgizilýde. Búgingi tańda 300 shaqyrymnan astam kanal tazartyldy.
Aita keteiik, biyl «Qazsýshar» filialdary diqandarmen 12,7 mlrd tekshe metr sý jetkizý úshin 27,8 myńnan astam shart jasasýdy josparlap otyr. Qazirgi tańda 11 700 shart jasaldy. Byltyr sharýa qojalyqtarymen 23 830 shart jasalǵan.
