«Starlink jabdyǵynyń alǵashqy partiiasy Qazaqstanǵa keldi. 500 dana!», dep jazdy búgin óziniń Telegram kanalynda QR Tsifrlyq damý, innvoatsiialar jáne aeroǵarysh ónerkásibi ministri Baǵdat Mýsin.
«Almatyǵa jabdyqty qabyldaý barysyn arnaiy tekserý úshin keldim. Kelesi aptada Túrkistan jáne Aqmola oblystaryndaǵy Starlink júiesin ornatýǵa tolyq daiyn mektepterge jabdyqtardy jetkizý bastalady. Atalǵan oblystardyń ákimdikteri daiyndyq jumystaryn jaqsy júrgizdi. Qalǵan óńirlerge 10 kúnnen keiin jetkizile bastaidy. Barlyǵy 20 kún ishinde 2000 jinaq keledi, olar eldegi 2000 shalǵaidaǵy aýyl mektebin joǵary jyldamdyqty internetpen qamtamasyz etedi», - dep jazdy ministr.
Sondai-aq ol atalmysh jańalyqtyń Memleket basshysynyń sheshiminiń arqasynda júzege asyp jatqanyn málim etti.
