Elimizde sport jáne sporttyq jetistikter boiynsha ǵylymi-zertteý institýty qurylýy múmkin. Bul týraly QR Ulttyq olimpiada komiteti sport direktsiiasynyń direktory Elsiiar Qanaǵatov málim etti, dep habarlaidy QazAqparat.
«Sheteldik tájiribeli jattyqtyrýshylardy tartý sportta bar jait. Aitar bolsaq, Qytai 2008 jyly jazǵy olimpiadany ótkizgen kezde kóptegen sheteldik jattyqtyrýshylardy tartty. Árine, olardyń qasynda otandyq jattyqtyrýshylar boldy. Atalǵan tájiribeni biz de qoldanyp jatyrmyz. Short-trekten Koreia jáne Qytai elinen jattyqtyrýshylar boldy. Jalpy sportta aitarlyqtai nátijege qol jetkizgimiz kelse, tómennen bastaýymyz kerek. Iaǵni balalar men jasóspirim jáne buqaralyq sportqa jiti kóńil bólgen jón», - dedi Elsiiar Qanaǵatov Beijińnen tikelei efirde ótken baspasóz máslihatynda.
Onyń aitýynsha, buqaralyq sportty damyta túsý kún tártibindegi másele.
«Árine, sportta ǵylymnyń da óz orny bar. Men atalǵan máseleni buǵan deiin de kóterip kelemin. Bizde ǵylymi zertteý institýty joq. Ǵylymi turǵydan zertteý ol kásibi jáne buqaralyq sport úshin de kerek. Búginde sport boiynsha ǵylymi zertteý institýtyn qurý máselesi kún tártibinde tur. Institýt qurylyp, qysqy sport túri odan ári dami túsedi degen úmittemin», - deidi ol.
