Qazaqstan Áskeri-áýe kúshteriniń áýe ailaǵyna soqqy beretin jańa Mi-35M tikushaqtary jetkizildi, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
Kópmaqsatty soqqy berýshi Mi-35M tikushaqtarynyń 4 danasy alǵash ret QR Áskeri-áýe kúshteriniń qarý-jaraqtary qataryna qosylyp, elimizdiń ońtústigindegi turaqty mekenine jetkizildi.
Ushqyshtar quramy qaita oqýdan ótip, aviatsiiaǵa ákelingen jańa tehnikany synap kórýge daiyn. Atalǵan Mi-35M tikushaǵy tamasha ushý-tehnikalyq sipattamasyna ie, joǵary temperatýraly jáne biik taýly jaǵdailarda qoldanysqa tiimdi. Bul tikushaq jai jáne qolaisyz aýa raiynda basqarylatyn jáne basqarylmaityn qarý-jaraqty urysta táýlik boiy qoldanýdy qamtamasyz etedi. Sondai-aq kózdegen maqsatyna kúndiz jerden 10-25 metr biiktikte ushýdy, al túnde keminde 50 metr biiktikte ushýdy oryndai alady. Mi-35M tikushaǵynyń navigatsiiasy men elektrondy indikatsiiasynyń zamanaýi keshenmen jabdyqtalýy osyndai tapsyrmalardy oryndaýǵa múmkindik beredi.
Budan ózge, urys mashinasynyń shabýyldan qorǵaný kesheni men qosymsha optsiialary bar. Mi-35M taǵy da bir artyqshylyǵy onyń qurylysynyń jetiktiginde, iaǵni tikushaq akýstikalyq belgilerin tómendetip, urysqa shydamdylyǵyn arttyrady, sondai-aq tehnikalyq qyzmet kórsetýdegi qiyndyqtardy tómendete alady.
Negizgi soqqy beretin qyzmetterinen ózge, Mi-35M tikushaǵy jeke quram men júkterdi tasymaldaý, meditsinalyq qyzmetkerlermen qosa syrqattar men jaralylardy alyp júrý úshin paidalanylady. Tikushaqtardy jetkizý Qazaqstan men Resei arasyndaǵy áskeri-tehnikalyq yntymaqtastyq, sondai-aq QR Qorǵanys ministrligi men Rosoboroneksport kásipornynyń arasyndaǵy shart aiasynda júzege asyrylǵanyn aita ketken jón.
.jpeg)