QR Eńbek jáne halyqty áleýmettik qorǵaý ministrligi Memleket basshysynyń aǵymdaǵy jylǵy qańtarda iri otandyq biznes ókilderimen kezdesý qorytyndysy boiynsha bergen tapsyrmasyn oryndaý úshin sheteldik jumys kúshin tartýǵa arnalǵan kvotany 16% - ǵa 23 560 birlikke deiin qysqartty, dep habarlaidy vedomstvonyń baspasóz qyzmeti.
Bul tapsyrmany oryndaý elimizde tapshylyǵy seziletin tar mamandyq pen beiindi mamandardan basqa kásipterdiń barlyq sanattaryna qatysty.
«Kvotany bólý týraly» Qazaqstan Respýblikasy Eńbek jáne halyqty áleýmettik qorǵaý ministriniń 2022 jylǵy 18 qańtardaǵy №17 buiryǵyna ózgeris engizý týraly» buiryq aǵymdaǵy jylǵy 4 aqpanda qabyldandy, oǵan sáikes jergilikti atqarýshy organdar úshin respýblika aýmaǵynda eńbek qyzmetin júzege asyrý úshin sheteldik jumys kúshin tartýǵa arnalǵan 2022 jylǵa arnalǵan kvota 28 352-den 23 560 birlikke – 4 792 birlikke (16%) qysqartyldy.
Nátijesinde 2022 jyly ShJK tartýǵa kvota mynadai túrde 4 sanatqa bólindi: birinshi sanat boiynsha 1 243 ruqsat (basshylar jáne olardyń orynbasarlary), ekinshi sanat boiynsha 6 499 ruqsat (qurylymdyq bólimshelerdiń basshylary). Ruqsattardyń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tiisinshe 11 110 jáne 2 396 birlik. Sondai-aq maýsymdyq jumystarǵa 2 312 adam tartylýy múmkin.
2022 jylǵy 1 aqpandaǵy jaǵdai boiynsha jergilikti atqarýshy organdardyń ruqsaty boiynsha Qazaqstan aýmaǵynda 14 932 sheteldik azamat eńbek qyzmetin júzege asyrdy.
Esterińizge sala ketsek, 2021 jyly jergilikti atqarýshy organdar 18,2 myń birlik mólsherinde ShJK tartý úshin jumys berýshilerge ruqsattar berdi jáne uzartty, bul belgilengen kvotanyń 64% - yn (29,3 myń) qurady.
