Pandemiia bastalǵaly beri Aqtóbe oblysynyń aýmaǵynda koronavirýs infektsiiasynyń taralýynyń aldyn alý maqsatynda Resei Federatsiiasymen shekarada ornalasqan «Jaisań» jáne «Álimbet» ótkizý pýnktterinde táýlik boiy sanitariialyq-karantindik baqylaý júzege asyrylýda.
Bul týraly "Ult aqparat" QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiiasynyń Telegram kanalyna silteme jasap habarlaidy.
Ondaǵy aqparattarǵa qaraǵanda, epidemiologtar shekaradan ótetin adamdarǵa táýlik boiy termometriia men saýalnama júrgizip, PTR testileýiniń teris nátijesi bar anyqtamalardyń bolýyn tekseredi.
2020 jyldyń 6-qazany men 2021 jylǵy 15-sáýirine aralyǵynda «Jaisań» jáne «Álimbet» SKP memlekettik shekarasy arqyly barlyǵy 113 957 adam ótti, onyń ishinde anyqtamasy joq 6 749 adam karantindik statsionarǵa jatqyzylǵan.
Atalǵan ýaqyt aralyǵynda Resei Federatsiiasynan tiisti anyqtamasyz kelgen 75 QR azamatynan COVID-19 anyqtalǵan.
Qazaqstan Respýblikasyna anyqtamasyz kelgen Resei Federatsiiasynyń 156 azamaty shekaradan keiin qaitaryldy.
