پاندەمييا باستالعالى بەرٸ اقتٶبە وبلىسىنىڭ اۋماعىندا كوروناۆيرۋس ينفەكتسيياسىنىڭ تارالۋىنىڭ الدىن الۋ ماقساتىندا رەسەي فەدەراتسيياسىمەن شەكارادا ورنالاسقان «جايساڭ» جەنە «ەلٸمبەت» ٶتكٸزۋ پۋنكتتەرٸندە تەۋلٸك بويى سانيتارييالىق-كارانتيندٸك باقىلاۋ جٷزەگە اسىرىلۋدا.
بۇل تۋرالى "ۇلت اقپارات" قر ٷكٸمەتٸ جانىنداعى قازاقستاندا كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسيياسىنىڭ Telegram كانالىنا سٸلتەمە جاساپ حابارلايدى.
ونداعى اقپاراتتارعا قاراعاندا, ەپيدەميولوگتار شەكارادان ٶتەتٸن ادامدارعا تەۋلٸك بويى تەرمومەترييا مەن ساۋالناما جٷرگٸزٸپ, پتر تەستٸلەۋٸنٸڭ تەرٸس نەتيجەسٸ بار انىقتامالاردىڭ بولۋىن تەكسەرەدٸ.
2020 جىلدىڭ 6-قازانى مەن 2021 جىلعى 15-سەۋٸرٸنە ارالىعىندا «جايساڭ» جەنە «ەلٸمبەت» سكپ مەملەكەتتٸك شەكاراسى ارقىلى بارلىعى 113 957 ادام ٶتتٸ, ونىڭ ٸشٸندە انىقتاماسى جوق 6 749 ادام كارانتيندٸك ستاتسيونارعا جاتقىزىلعان.
اتالعان ۋاقىت ارالىعىندا رەسەي فەدەراتسيياسىنان تيٸستٸ انىقتاماسىز كەلگەن 75 قر ازاماتىنان COVID-19 انىقتالعان.
قازاقستان رەسپۋبليكاسىنا انىقتاماسىز كەلگەن رەسەي فەدەراتسيياسىنىڭ 156 ازاماتى شەكارادان كەيٸن قايتارىلدى.
