«QazMunaiGazÓnimderi» Reseiden Qazaqstanǵa 90 myń tonna dizel otynyn importtaidy, dep habarlaidy «QazAqparat» tilshisi.
Bul týraly búgin Ortalyq kommýnikatsiialar ortalyǵynda tilshiler suraǵyna jaýap bergen «QazMunaiGazÓnimderi» JShS bas direktory Qýandyq Qulmyrzin málim etti.
«Úkimet pen «QazMunaiGaz» basshylyǵynyń tapsyrmasyna sáikes, «QazMunaiGazÓnimderi» JShS Qazaqstanǵa Reseiden 90 myń tonna dizeldik otyndy alyp keletin boldy. Tasymal «QazMunaiGazÓnimderi» JShS jelisi boiynsha júzege asyrylady. «QazMunaiGazÓnimderi» JShS jelileri (janar-jaǵarmai quiý beketteri - avt.) Qazaqstandaǵy jelilerdiń ortaq balansynyń 15-16 paiyzyn ǵana alatynyn esepke ala otyryp, biz importtyq dizeldik otynnyń bir bóligin «Gelios», «Sinoil» sekildi jeliler arqyly alyp kelemiz. Demek, biz olarǵa kómektesemiz. Dizeldik otynmen biz barlyq iri jelilerdi qamtamasyz etemiz. Shaǵyn jelilerdi qamtýǵa tyrysamyz», - deidi «QazMunaiGazÓnimderi» JShS bas direktory Qýandyq Qulmyrzin.
Onyń aitýynsha, dizeldik otynnyń 9 myń tonnasy jolda kele jatyr. Qalǵany jaqyn arada jetkiziletin bolady. Qazaqstannyń soltústik, batys jáne ortalyq óńirlerinde aýa temperatýrasynyń tómendeýine bailanysty janarmai aldymen atalǵan aimaqtarǵa tasymaldanady. Al Qazaqstannyń ońtústik óńirleri «PetroKazakhstan Oil Products» Shymkent MÓZ shyǵarǵan dizel otynymen qamtamasyz etiledi.
«QazMunaiGaz» JMSQ jelisi maýsymaralyq dizel otynynyń baǵasyn (óndirgen memleketine qaramastan) litrin 155-160 teńge deńgeiinde ustap turady.
